विनोद विश्वकर्मा बुर्तिबाङ : बागलुङ अक्सिजन आपतकालिन राहत टोलीले पश्चिम बागलुङका लागि १५ थान अक्सिजन सिलिन्डर खरिद गरेको छ ।
६० किलोग्रामको १५ थान अक्सिजन सिलिन्डर शनिबार बुर्तिबाङ आएको छ । कोरोना महामारीमा कुनै पनि नागरिकले अक्सिजन नपाएर ज्यान गुमाउन नपोस भनि स्वादेश तथा वैदेशिक रोजगारमा रहेका नागरिकहरुबाट युवा राजु श्रेष्ठको संयोजकोत्वमा आर्थिक अभियान चलाएर अक्सिजन खरिद गरिएको हो ।
उक्त अक्सिजन सिलिन्डर अलिहे बुर्तिबाङमा राखिने र आवश्यक परेका पालिकाहरुलाई प्रदान गरिने अभियानका सदस्य सोम पौवी यामुले जानकारी दिए । जुन पालिकामा आवश्यक पर्छ उक्त पालिका लाई आवश्यताको आधारमा उपलब्ध गराईने अभियानका सदस्य दिपेन्द्र श्रेष्ठले बताए ।
विपदको बेलामा सहयोग गर्नु सबैको दायित्व भएको भन्दै वैदेशिक रोगजारमा गएका युवाहरुबाट गास कटाए सहयोग गरिएको अभियानका संयोजक राजु श्रेष्ठले बताए । आफुहरु थप स्वास्थ्य सामाग्री खरिदको लागि अभियानमा रहेको अभियानका सदस्य कमल भुसालले जानकारी दिए ।
