बरेङ : ग्रामीण स्वास्थ्य सुधार परियोजनाले बरेङ गाँउपालिका वडा नम्बर १ का १३ घरधुरीलाईगरिब तथा विपन्न परिवारलाई खाद्यान्न वितरण गरेको छ । फेयरमेड फाउण्डेसनको आर्थिक सहयोग र
बिवाईसी बागलुङको साझेदारीमा सञ्चालित ग्रामीण स्वास्थ्य सुधार परियोजनाले उपलब्ध गराएको खाद्यान्न वडा अध्यक्ष नरसेङ पुनले उनीहरुलाई हस्तान्तरण गरेका हुन् । कोरोना संक्रमणका कारण मारमा परेका
वडा नम्बर १ का अति विपन्न तथा अपाङ्गता भएका १३ परिवारलाई चामल २५, नुन, तेल, दाल, चिनी लगायतका सामग्री वितरण गरिएको वडा अध्यक्ष पुनले बताए । परियोजनाले बरेङ गाँउपालिका भरिका
कुल ५० गरिब तथा विपन्न परिवारलाई खाद्यान्न सामग्री वितरण गर्ने भएको छ । वडाले छनोट गरेको आधारमा सहयोग गरिने बताइएको छ ।
