जुम्ला : नेकपा एमाले जुम्लाको ८ औँ जिल्ला अधिवेशनबाट शान्तिलाल महत सर्वसम्मत जिल्ला अध्यक्षमा चयन भएका छन् । एमाले जुम्लाले जिल्ला नेतृत्व सर्वसम्मत चयन गरेको अनेरास्ववियु केन्द्रीय स्थायी कमिटी सदस्य धिरज जैसीले बताए । उनका अनुसार एमालेका नेता महतको
नेतृत्वमा उपाध्यक्ष सुरत शाही, सचिवमा धनकृष्ण पाण्डे र दुई उपसचिवमा प्रेम बुढा र मान बहादुर रोकाया सर्वसम्मत चयन भएको अनेरास्ववियु केन्द्रीय स्थायी कमिटी सदस्य जैसीले बताए । निर्वाचनबाट जिल्ला पदाधिकारी चयन गर्ने अवस्थामा पुगेको एमाले अन्तिम समयमा सबै पदाधिकारी सर्वसम्मतबाट
चयन भएको एमाले जुम्ला जिल्ला ईन्चार्ज रतननाथ योगीले बताए । ९० सदस्यीय जिल्ला कमिटी गठन हुने नेकपा एमाले जुम्लाले जनाएको छ ।
