बागलुङ : बागलुङमा पिकअप जिप दुर्घटना हुँदा पाँच जनाको मृत्यु भएको छ । जिल्लाको बागलुङको जैमिनी नगरपालिका–८ छिस्तीबाट बागलुङ बजार आउँदै गरेको ग २ च ९२४७ पिकअप जिप ढुङ्गेखानी भन्ने स्थानमा आज बिहान दुर्घटना हुँदा चालकसहित पाँच जनाको मृत्यु भएको हो ।
पिकअप सडकदेखि सात सय मिटरभन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिनुभयो । घटनामा मृतकको पहिचान खुलिसकेको छैन ।
पिअकपमा सवार एक जनाको भने जीवितै उद्धार गरिएको उहााको भनाइ । घटनाको थप विवरण आउन बाँकी रहेको उहाँले बताउनुभयो ।
दुर्घटनामा घाइते जैमिनी नगरपालिका–८ का अन्दाजी ३५ वर्षीयछमु श्रीसलाई एम्बुलेन्समार्फत बागलुङ पठाइएको जैमिनी नगरपालिकाका उपप्रमुख हरिहर शर्माले जानकारी दिनुभयो ।
.png)
