एजेन्सी : दक्षिण अफ्रिका र इंग्ल्याण्डबीचको एकदिवसीय क्रिकेट सिरिज रद्द भएको छ ।
दुबै मुलुकका खेलाडीमा कोरोना संक्रमण देखिएपछि तीन खेलको एकदिवसीय सिरिज रद्द गरिएको हो । दक्षिण अफ्रिकाका एक खेलाडी र होटलका दुई कर्मचारी तथा इंग्ल्याण्डका दुई खेलाडीमा समेत कोरोना देखिएको बताईएको छ ।
खेलाडीमा कोरोना देखिएपछि दुई पटक खेल स्थगित गरिएको थियो । दक्षिण अफ्रिका र इंग्ल्याण्डबीच टी-ट्वान्टी सिरिज भने पूरा भईसकेको छ । तीन खेलको टी-ट्वान्टी सिरिज इंग्ल्याण्डले क्लिन स्विप गरेको थियो ।
.png)
