बरेङ : भारतबाट घर फर्कदै गरेका बरेङ गाँउपालिका वडा नम्बर ३ बाटाकाचौरका एक व्यक्ति बिचबाटैबाट बेपत्ता भएका छन् ।
भारतबाट छोराछोरी र श्रीमतिसहित गाउँ आउदै गरेका बाटाकाचौर खोलाखर्कका ३५ वर्षीय मुक्तबहादुर विक चन्द्रकोट गाँउपालिकाको खसिमारेबाट बेपत्ता भएका हुन् ।
भारतको दिल्लीदेखि परिवारसहित घर फर्किँदै गर्दा खसीमारेमा गाडि बिग्रेको र शौच गर्न भनि गाडीबाट झरेका उनी माघ १२ गतेदेखि बेपत्ता भएका हुन् ।
उनी झरेको स्थान वरिपरि खोजी गर्दा बाटो भन्दा तल उनको टोपी भेटिएको तर मान्छे फेला नपरेको बरेङ गाँउपालिका वडा नम्बर ३ बाटाकाचौरकी वडा सदस्य दिपा सुनारले बताइन् ।
बेपत्ता विकको मानसिक अवस्था समेत सामान्य रहेको श्रीमती अमृता विकले बताइन् । बिक श्रीमती र छोरा र छोरी लिएर आफ्नो घर बाटाकाचौर फर्कदै थिए ।
