बागलुङ : राष्ट्रिय युवा संघ नेपाल जिल्ला कमिटी बागलुङले बागलुङ नगरपालिका–१ रामरेखामा रहेको सहीद स्मृति पार्कमा वृक्षरोपण गरेको छ ।
नेकपा एमालेको भातृ संगठनका सदस्यहरुले पार्कमा वृक्षरोपण गरेका युवा संघ जिल्ला समिति बागलुङका सचिव दीपेन्द्र रेग्मीले बताएका छन् । संघले पार्कमा करिब एक सय ५० वटा विरुवा रोपेको छ । अमला, हर्रो, बर्रो लगायतको विरुवा रोपेको रेग्मीले बताए । वृक्षरोपणका लागि डिभिजन वन कार्यालय बागलुङले विरुवा सहयोग गरेको थियो ।
कार्यक्रममा बोल्दै बागलुङ नगरपालिकाका नगर प्रमुख जनकराज पौडेलले पृथ्वीको तापक्रम बढिरहेको र तापक्रम घट्न नदिन वृक्षरोपण नै मुख्य औषधी रहेकोले सबैले वृक्षरोपण गर्न पर्ने बताएका छन् ।
कार्यक्रम युवा संघ नेपाल जिल्ला समिति संयोजक जुद्ध बोहोराको तथा सचिव दिपेन्द्र रेग्मीको सञ्चालनमा सम्पन्न भएको थियो । कार्यक्रममा युवा संघ निकटका युवाहरुको उपस्थिती रहेको थियो । संघको केन्द्रीय समितिले घोषणा गरेको कार्यक्रम अनुरुप वृक्षारोपण कार्यक्रम गरिएको रेग्मीले बताए ।
संघले ‘देशव्यापी वृहत राष्ट्रिय वृक्षरोपण कार्यक्रम, २०७८’ मार्फत पाँच लाख वृक्षरोपण गर्ने कार्यक्रम तय गरेको छ ।
.png)
