बागलुङ : कोरोना संक्रमणका कारण बागलुङमा थप एक जनाको मृत्यु भएको छ । बागलुङ नगरपालिका वडा नम्बर ११ की ६१ वर्षीया महिला कोरोना संक्रमित महिलाको मणिपाल शिक्षण अस्पताल पोखरामा उपचारको क्रममा मृत्यु भएको हो । स्वास्थ्य निर्देशनालय गण्डकी प्रदेशका निर्देशक
डा. विनोद विन्दु शर्माद्वारा जारी विज्ञप्तीमा बागलुङकी एक महिलासहित दुई जनाको मृत्यु भएको छ । अर्का मृत्यु हुनेमा खोरखा जिल्ला गोरखा नगरपालिका वडा नम्बर १४ का ५५ वर्षीय पुरुष रहेका छन् । बागलुङकी संक्रमित वृद्धामा बैशाख १० गते कोरोना संक्रमण पुष्टि भएको स्वास्थ्य निर्देशक शर्माले जानकारी दिनुभयो ।
त्यस्तै गोरखाका पुरुषमा बैशाख ८ गते संक्रमण पुष्टि भएको थियो । स्वास्थ्य निर्देशनालयका अनुसार आजैनै बागलुङमा १७ जनामा कोरोना संक्रमण पुष्टि भएको छ । संक्रमित मध्य १५ जना बागलुङ नगरपालिका र २ जना निसीखोला गाउँपालिका रहेका छन् ।
.png)
