छबिलाल पाण्डे, बुर्तिबाङ : ढोरपाटन नगरपालिका वडा नम्बर २ र निसीखोला गाउँपालिका वडा नम्बर १ को सिमाना पर्ने पाखुतेमा बुधबार विहान बेवारिसे अवस्थामा फेला परेको शवको पहिचान खुलेको छ ।
बुधबार विहान निसीखोला किनारमा बेवारिसे अवस्थामा फेला परेको निसीखोला गाउँपालिका वडा नम्बर १ का उदे भन्ने ४९ वर्षीय बुद्धबहादुर गुरुङको रहेको इलाका प्रहरी कार्यालय बुर्तिबाङका प्रमुख प्रहरी निरीक्षक जयराम वन्तले जानकारी दिए ।
गुरुङको शव नदिमा बगिरहेको देखेपछि स्थानीयले प्रहरीलाई खबर गरेका थिए । प्रहरीले शवको उद्धार गरी शवको पोष्टमार्टम भइसकेको छ । यस घटनाको विषयमा थप अनुसन्धान भइरहेको प्रहरी प्रमुख वन्तको भनाई छ ।
