मेघराज रिष्मेली
ओसाका जापान
जापानमा एकजना नेपालीको मृत्यु भएको छ । जापानको ओसाकामा कुक भिषामा कार्यरत गुल्मी जिल्ला मुसिकोट नगरपालिका— ९ डासिकोट घर भएका ३६ वर्षीय नारायण बहादुर खत्रीको मंगलबार मृत्यु भएको हो ।
करिब २ वर्ष अघिमात्र जापान आएका खत्री लामो समयदेखि मुटुसम्बन्धी बिरामी रहेको र हाल उपचारका क्रममा अस्पतालमै मृत्यु भएको जापान नेपाली एकता समाजका केन्द्रित उपाध्यक्ष भिम केसीले बाग्लुङ्ग पोष्टलाई जानकारी दिए ।
११ दिन अघि बहोस भै अस्पतालमा पुर्याइ उपचारका क्रममा मंगलबार बिहान खत्रीको मृत्यु भएको अस्पतालले जानकारी दिएको पारिवारिक स्रोतलाई उदृत गर्दै के सीले जानकारी दिए ।
मृतक खत्री श्रीमति सहित जापान बस्दै आएका थिए । श्रीमती जापान आएको पनि अझै एकवर्ष नपुगेको के सीले जानकारी दिए ।
घरमा वृद्ध बुवा आमा र एक छोरा एक छोरी रहेका छन ।
लामो समयदेखि मुटु रोगी स्वर्गीय खत्रीको अगस्ट १९ तारिक बिहिबार जापान मै अन्तिम संस्कार गरिने भएको छ ।
.png)
