बुर्तिबाङ : नेपाली काँग्रेस बडिगाडले १४ औँ महाधिवेशनको लागि तयारी बैठक सम्पन्न गरेको छ । नेपाली काँग्रेस बडिगाड गाउँपालिका वडा नम्बर ७ का सभापती कृष्ण गुरुङको अध्यक्षतामा बसेको बैठकले वडा तहको महाधिवेशनलाई सफल पार्नका लागि आवश्यक तयारी अगाडी बढाउने निर्णय गरेको छ ।
सर्वसम्मत रुपमा नेतृत्व चयन गर्नका लागि प्रयास गर्ने निर्णय गर्दे वडा समिति कोषाध्यक्ष पदम बहादुर थापाको संयोजगत्वमा ३ सदस्य आर्थिक संकलन समितिको गठन गरेको सभापति गुरुङले जानकारी दिए । त्यस्तै वडामा आगामी महाधिवेशनबाट सभापती बन्नका लागि दिपेन्द्र के.सी, हरिप्रसाद चालिसे, हरिचन्द्र के.सी, दिपेन्द्र कुवँर, पदम बहादुर थापा र काँसिराम खत्रीले आकांक्षा व्यक्त गरेका छन् ।
आगामी १८ गतेसम्म वडाको नेतृत्व टुङ्ग्याउने गरी कृष्ण गुरुङलाई जिम्मेवारी दिँइएको बताइएको छ । कार्यक्रममा जिल्ला सदस्य गण्डकी थापा अधिकारी, कार्यसमिती सचिव दिपेन्द्र कुवँर लगायतको सहभागिता रहेको थयो ।
जिल्ला सदस्य अधिकारीले संगठनलाई मजबुद बनाउन सक्रिय पूर्वक लाग्न आग्रह गर्दै आगामी स्थानीय तहको निर्वाचनको तयारीमा समेत जुट्न आग्रह गरिन् । अध्यक्ष गुरुङले वडा तहको कार्यसमितिमा आगामी महाधिवेशनमा नरहने प्रस्ट पारे ।
