पूर्णभद्र निउरे, ताराखोला : ताराखोला गाउँपालिका वडा नम्बर ४ को वडा कार्यालय भवन को निर्माण सम्पन्न भएको छ ।
७८ लाख ९१ हजार १७ रुपैयाँको लागतमा १ वर्ष भित्रमा निर्माण सक्ने गरि घुम्टे कन्स्ट्रक्सन कम्पनीले २०७६ माघ ६ मा ठेक्का सम्झौता गरेको थियो । कम्पनीले सम्झौता मितिभन्दा अगावै सबै निर्माण कार्य सम्पन्न भएकाे हाे ।
भवन निर्माण सम्पन्न भएपछि यहि माघ ५ गते गाउँपालिकालाई बुझाउने तयारी रहेको कम्पनीका नरेश के सीले जानकारी दिए ।
वडा कार्यालय भवन निर्माणका लागि जिल्ला समन्वय समिति बाग्लुङले २० लाख रुपैयाँ र ताराखोला गाउँपालिका ले बाँकी बजेटको बिनियोजन गरेको थियो ।
वडा कार्यालयको आफ्नै भवन नहुँदा अहिले जनजागरण महिला समूहको भवनमा कार्यालय संचालनमा रहेको छ । भवन निर्माणको
कार्य पूरा भएकोले छिट्टै तारा दोगाडीको नवनिर्मित भवनबाट सेवा प्रवाह गरिने वडा नम्बर ४ का वडा अध्यक्ष जित बहादुर खत्रीले बताए ।
.png)
