बुर्तिबाङ : निसीखोलामा आगलागी हुँदा २ घर जलेर नष्ट भएका छन् । जिल्लाको निसीखोला गाउँपालिका वडा नम्बर ४ ओखरेनीमा आगलागी हुँदा २ घर जलेर नष्ट भएका हुन् ।
आगलागीमा स्थानीय नरबहार क्षेत्रीको घर गोठ र नरि क्षेत्रीकाे घर पूर्ण रुपमा जलेको र प्रेमबहादुर क्षेत्रीको घरमा आंशिक क्षति भएको निसीखोला गाउँपालिका वडा नम्बर ४ का अध्यक्ष टिकानिधि पौडेलले जानकारी दिए ।
बारीमा आगो लगाउने क्रममा हावाहुरीका कारण घरसम्म आगोलागी भएको बताइएको छ । आगलागीमा मानविय क्षति नभए पनि भौतिक क्षति भएको अध्यक्ष पौडेलको भनाई छ ।
आगो स्थानीय र प्रहरीको सक्रियतामा नियन्त्रणमा आइ सकेको छ । आगलागीमा घर गोठ जलेपछि नरबहार क्षेत्री र नरि क्षेत्रीको परिवारको बिचल्ली भएको छ ।
आगलागीमा के कति क्षेति भयो भन्ने एकिन विवरण आउन बाँकी छ ।
.png)
