कमल पौडेल, खर्बाङ : बागलुङको बडिगाड गाउँपालिका वडा नम्बर २ खर्बाङमा घरको छतबाट खस्दा एक जनाको ज्यान गएको छ ।
बडिगाड गाउँपालिका वडा नम्बर २, दनिया निवासी ३९ वर्षीया रन बहादुर रानाको मृत्यु भएको हो । स्थानीय दिपु केसीको घरमा वाइरिङ गर्ने क्रममा खस्दा गम्भीर घाइते भएका थिए ।
घाइते रानाको अवस्था गम्भीर भएपछि उपचारको लागि हेलिकप्टर मार्फत पोखरा पठाउने तयारी भैरहेको बेला ज्यान गएको बताइएको छ ।
गिरिङ्दी खोला लघु जलविद्युत परियोजनामा अपरेटरको रुपमा काम गर्दै आएका रानाका श्रीमतिसहित २ छोरा र १ छोरी रहेका छन् ।
.png)
