बागलुङ : बागलुङमा आगलागी हुँदा तीन लाख बढीको क्षति भएको छ । जिल्लाको बागलुङ नगरपालिका वडा नम्बर ९ तित्याङमा शनिबार एक घरमा आगलागी हुँदा लाखौंको क्षति भएको हो ।
तित्याङको बुकेनीका स्थानीय मन बहादुर थापाको घरमा ग्यास लिग भएर आगलागी भएको वडा अध्यक्ष गणेश थापाले जानकारी दिए । भान्छाकोठामा भएको आगलागीबाट तीन लाख बढीको क्षति भएको अध्यक्ष थापाले बताए । आगलागीबाट भान्सा कोठा र त्यहाँका सम्पूर्ण
सामाग्री पुर्ण रुपमा नष्ट भएका छन् । आगलागी नियन्त्रणका क्रममा सोही परिवारका सदस्य नवीन थापाको हातमा गहिरो चोट लागेको थापाले बताए । आगलागी भएको केही बेरपछि मात्रै विपद व्यवस्थापन गुल्म बागलुङले नियन्त्रणमा लिएको बताइएको छ ।
यो पनि पढ्नुहोस्
बागलुङमा कोरोनाबाट २६ वर्षीया युवतीको मृत्यु, मृतकको संख्या ५० पुग्यो
बागलुङमा कोरोना संक्रमणबाट थप एक जनाको मृत्यु भएको छ । जिल्लाको बडिगाड गाउँपालिका वडा नम्बर ६ की २६ वर्षीया युवतीको गय राति मृत्यु भएको हो । स्वास्थ्य कार्यालय बागलुङका कोरोना १९ फोकल पर्सन देवप्रकाश घिमिरेले दिएको जानकारी अनुसार उनको गय राति १२ः४० मा मृत्यु भएको हो ।
उनलाई स्वास्थ्यमा समस्या देखिएपछि असार ४ गते धौलागिरी अस्पताल ल्याएको घिमिरेको भनाई छ ।एन्टिजेन्ट बिधिबाट परीक्षण गर्दा उनलाई संक्रमण पुष्टि भएको थियो । योसँगै बागलुङमा कोरोना संक्रमणबाट मृत्यु हुनेको संख्या ५० पुगेको घिमिरेले जानकारी दिए । पछिल्लो केही दिन यता मृत्युदर र संक्रमणदर घट्दै गएको छ ।
.png)
