बागलुङ : बागलुङमा कोरोना संक्रमणबाट थप एक जनाको मृत्यु भएको छ । जिल्लाको बडिगाड गाउँपालिका वडा नम्बर ६ की २६ वर्षीया युवतीको गय राति मृत्यु भएको हो । स्वास्थ्य कार्यालय बागलुङका कोरोना १९ फोकल पर्सन देवप्रकाश घिमिरेले दिएको जानकारी अनुसार उनको गय राति १२ः४० मा मृत्यु भएको हो ।
उनलाई स्वास्थ्यमा समस्या देखिएपछि असार ४ गते धौलागिरी अस्पताल ल्याएको घिमिरेको भनाई छ ।एन्टिजेन्ट बिधिबाट परीक्षण गर्दा उनलाई संक्रमण पुष्टि भएको थियो । योसँगै बागलुङमा कोरोना संक्रमणबाट मृत्यु हुनेको संख्या ५० पुगेको घिमिरेले जानकारी दिए । पछिल्लो केही दिन यता मृत्युदर र संक्रमणदर घट्दै गएको छ ।
याे पनि पढ्नुहाेस् बागलुङमा करेन्ट लागेर १९ वर्षीया युवाको मृत्यु
बागलुङमा करेन्ट लागेर एक जनाको मृत्यु भएको छ । बागलुङ नगरपालिका वडा नम्बर ४ उपल्लाचौरमा करेन्ट लागेर एक युवकको ज्यान गएको हो । सडकबाट बाढीले ल्याएको माटो सफा गर्ने क्रममा करेन्ट लागेर पर्वतको जलजला गाउँपालिका ६ धाइरिङ १९ वर्षीय सागर
नेपालीको मृत्यु भएको प्रहरीले जनाएको छ । उपल्लाचौर राजकुमार शर्माको ग्यारेजको माटो सफा गर्दा करेन्ट लागेर ज्यान गएको स्थानीय याम बहादुर विकले बताए । आफूले माटो उठाउने र नेपालीले ठेलामा फाल्दै गर्दा करेन्ट लागेर अचेत भएको र अस्पतालमा उपचारका लागि लगिएको विकको भनाई छ ।
करेन्ट लागि अचेत भएर लडेका नेपालीलाइ धौलागिरी अस्पतालमा ल्याइए पनि अस्पतालले केही समयमै मृत घोषित गरेको थियो । मृतक नेपाली ससुराको घरमा बस्दै आएका थिए । सामान्य ज्याला मजदुरी गर्ने नेपालीका पिताको पनि महिना दिन अघि मृत्यु भएको थियो ।
.png)
