बागलुङ : बागलुङमा मंगलबार ७ जनामा कोरोना संक्रमण पुष्टी भएको छ ।
मंगलबार संक्रमित हुनेमा बागलुङ नगरपालिकाका ५ जना, जैमिनीका १ जना र काठेखोला गाउँपालिकाका १ जना रहेको स्वास्थ्य कार्यालयका कोभिड–१९ फोकल पर्सन देवप्रकाश घिमिरेले बताए ।
संक्रमण लक्षण देखिएर अस्पतालमा आएकाहरुको परिक्षणमा कोरोना पोजेटिभ देखिएको हो ।
मंगलबार संक्रमित हुनेमा बागलुङ नगरपालिका—१२ का २८ वर्षीय पुरुष, वडा नम्बर १४ का ३४ वर्षीय पुरुष, वडा नम्बर १ का ४६ र ४२ वर्षीय पुरुष तथा वडा नम्बर २ की ३३ वर्षीया महिलामा संक्रमण पुष्टी भएको हो ।
जैमिनी नगरपालिका—१ का २७ वर्षिय पुरुष र काठेखोला गाउँपालिका—३ का ६१ वर्षीय पुरुषमा पनि संक्रमण पुष्टी भएको छ ।
मंगलबार संक्रमण पुष्टि भएकामध्ये दुई जना इञ्जिनियर हुन् भने एक जना शिक्षक हुन् ।
उनीहरु सबैमा लक्षण देखिएपछि जाँच गरिएको हो ।
अहिलेसम्म बागलुङमा संक्रमितको संख्या ९ सय २० पुगेको छ । जसमध्ये २८ जना सक्रिय संक्रमित छन् ।
९ जनाको मृत्यु भएको स्वास्थ्य कार्यालयले जनाएको छ ।
.png)
