छबिलाल पाण्डे, बुर्तिबाङ : तमानखोला गाउँपालिकाले जेष्ठ नागरिकलाई सम्मान गरेको छ । गाउँपालिकाले ९० वर्ष पार गरेका जेष्ठ नागरिकलाई सम्मान गरेको हो ।
बिहिबारदेखि थालिकाएको अभियानमा गाउँपालिकाले वडा नम्बर १ र २ का जेष्ठ नागरिकलाई सम्मान गरेको गाउँपालिका अध्यक्ष जोकलाल बुढा मगरले बताए ।
“जेष्ठ नागारिक अनुभवका खानी, विकास गरौँ सम्मान गर्ने बानी” भन्ने नाराका साथ गाउँपालिकाले प्रत्येक वडाका जेष्ठ नागारिकलाई तीन हजार रुपैयाँ र स्थानीय स्तरमा उत्पादित दोसल्ला ओढाएर सम्मान गरिएको तमानखोला गाउँपालिका शिक्षा अधिकृत तथा महिला बालवालिका तथा जेष्ठ नागारिक प्रमुख पुर्ण बहादुर घर्तीले जानकारी दिए ।
पछिल्लो समय जेष्ठ नागरिकलाई सम्मान गर्ने कुरामा कमी आएको भन्दै जेष्ठ नागरिकका अनुभवबाट धेरै सकरात्मक कुरा सिक्न सकिने भन्दै सम्मान गरीएको गाउँपालिका अध्यक्ष बुण मगरले बताए ।
सो अवसरमा बोङगादोभान स्वास्य चौकिमा जेष्ठ नागरिकको निःशुल्क स्वास्थ्य परिक्षण समेत गरिएको थियो । कार्यक्रममा तमानखोला गाउँपालिकाका अध्यक्ष जोकलाल बुढाको विशेष उपस्श्थिती, प्रमुख प्रशासकीय अधिकृत विकास लम्साल, वडा नम्बर १ का वडा अध्यक्ष थम बहादुर रोका, वडा नम्बर २ का अध्यक्ष मिन बहादुर घर्ती
लगाएतको उपस्थिति रहेको थियो । जेष्ठ नागरीक सम्मान कार्यक्रम शुक्रबार वडा नम्बर ३ र ४ मा हुने गाउँपालिकाले जनाएको छ ।
