स्थानीय सरकारले आज बजेट ल्याउँदैछन् । केही नीति कार्यक्रम सार्वजनिक गरिसकेका छन् र आज बिहीबार बजेट ल्याउँदैछन् भने कतिपयले नीति कार्यक्रम र बजेट एकै दिन लयाउँदैछन् ।
बागलुङको बरेङ गाउँपालिका बाहेक ९ वटा स्थानीय तहले आज बजेट सार्वजनिक गर्ने क्रममा रहेका छन् । संवैधानिक रुपमै असार १० बजेट ल्याईसक्नुपर्ने भएका कारण बागलुङ स्थानीय तहहरुलाई आज बजेट ल्याउनैपर्ने अवस्था छ । बजेट ल्याउन बाँकी रहेका बागलुङका ९ वटा स्थानीय तहमध्ये ताराखोला र बागलुङ नगरपालिकाले नीति कार्यक्रम सार्वजनिक गरेका छन् भने अन्य स्थानीय तहको एक साथ बजेट र नीति कार्यक्रम सार्वजनिक गर्ने क्रममा रहेका छन् ।
जिल्लाको काठेखोला गाउँपालिका, जलकोट नगरपालिका, बडिगाड गाउँपालिका, ढोरपाटन नगरपालिका, तमानखोला गाउँपालिका, निसीखोला गाउँपालिका, जैमिनी नगरपालिकाले नीति कार्यक्रम र बजेट एकसाथ सार्वजनिक गर्दैछन् ।
कतिपय स्थानीय तहले नीति कार्यक्रमा ल्याएर शिलिङमा बजेट ल्याउने र पछि योजनामा विनीयोजन गर्ने तयारीमा लागेका छन् । बागलुङ नगरपालिका र ताराखोला गाउँपालिकाले बजेट सार्वजनिक गर्दैछन् ।
बरेङ गाउँपालिकाले भने गत शनिबार नै बजेट तथा नीति कार्यक्रम एकै दिने सार्वजनिक गरेको थियो ।
.png)
